En cuschina

Quai d'eira uschè üna roba

2011-09-18T05:40:00.000-07:00

Pro Nona in stüva, sur la televisiun, sur las fneistras pendan duos schluppets, ün da mincha vart. I penda üna fotografia da bazegner cun ün nasun. I penda üna fotografia da mincha abiadi sper la vaidrina cun aint medaglias. Medaglias per las pü bellas cornas da chamuotschs da bazegner e medaglias da las cuorsas da skis da bap. Nona giascha suot la vaidrina sün cuotscha e piglia jo seis ögliers per pulir els culla mongia dal pullover. "Quists ögliers n’haja fingià daspö 40 onns", disch Nona. Eu sez sülla pulturna daspera, la pultruna cha bazegner veiva amo cumprà, üna chi's po laschar ir sü e jo cun üna fernbedienig, eu la fetsch ir sü e jo e sü e jo e sü e jo.

"D'eira bazegner tia grond'amur, Nona?" tilla dumonda e nun ha insè gnanca la spranza da survgnir üna resposta.

"Ma sast, quai d'eira uschè üna roba" ri'la e cumainza a quintar da las robas, sco ch'els sun stads a ball e la roba culla roba dad ir a laschar leger robas our dals mans cha bazegner d'eira stat a laschar far e chi d'eira lura stat scrit aint in seis man la roba ch'el dessa maridar a Nona, ma na pervi da quella roba ma pervi dad ün'autra roba.

"Ah, id es üna vaira roba!" disch eu e sun tuot cuntainta cha las robas han noms, ozindi.

Mister Badi versus Miss Berna

2011-09-18T05:33:00.000-07:00

Il tema dad oz: Che dischan ils giuvens da las tschernas? Eau d’he 27 ans e duonna Baldina dal Chardun m’ho dumandeda da scriver qualchosa lotiers. Eau d’he però dubis. Prüm dubi: Sun eau insomma auncha giuvna? Seguond dubi: Cu dess eau savair che cha’ls giuvens dischan da las tschernas? Ad es nempe uschè ch’eau nu se!

Ils giuvens nu discuorran ün cun l’oter, ils giuvens scrivan Statusmeldungen sün Facebook ed ils giuvens faun filmins per Youtube.

E che expriman ils giuvens lo? Eau nu se! Ad es üna têla massa illa rait cha’s perda la survista, impustüt la survista sur da candidats u candidatas. Chi candidescha per „Mister Badi“ e chi per il cussagl naziunel.

Ma melgrò tuot, l’internet nun es be ün caos totel, a do listess eir löins inua cha’d es miss tuot bel in uorden. Güsta scha vo per tschernas, am vain que adimmaint, do que la pagina smartvote.ch!

Fantastic, lo haun ils candidats e las candidatas respus a dumandas davart tuot ils champs politics, scu economia, politica sociela, budget da la confederaziun, l’armeda ed uschè inavaunt. Sch’eau respuond uossa a las listessas dumandas lura vain oura ün „match“, voul dir, la u il politicher da mieus sömmis, quel u quella chi ho respus scu eau e chi fo dimena precis la politica chi plescha a me.

Uschè dvaintan las tschernas propi bubi. Eau cumainz a cliccer intuorn, schi, na, schi, na, forsa, unbedingt! E traritrara, zieva pochs minuts è’l oura, mieu candidat. U meglder dit, mia candidata! Ad es üna duonna chi ho respus bod scu eau. Sia tenuta politica correspuonda per 68% a mia. Na mel, eau sun però stutta cha que es güsta ella, üna duonna ch’eau nu vess probabel elet, melgrò ch’ella es üna cuntschainta, eau la d’he eir già inscuntreda: Cun ir a cuorrer aint il Fürstenwald a Cuira.

Ha, a do listess aunch’üna vita dadour l’internet, forsa cha vela la paina da guarder intuorn lo per candidats e candidatas adattedas. Üna buna conclusiun, u na? Eau la stögl güsta metter sün Facebook!

„Hello Kitty“ – „hello creschieu“

2011-09-18T05:30:00.000-07:00

El: „Eau crajaiva adüna cha saja il problem dals homens cha nu dvaintan mê creschieus, cha guardan auncha cun quaraunta Trickfilms e cha sunan bass in bands da rock fin cha sun grischs! Ma las duonnas nu sun bger megldras, faun partys per guarder insembel ‚Germanys Next Top Model’. Duonnas creschidas guardan da quellas emischiuns chi sun fattas per mattas da 15 ans. E lura lur abitaziuns, sömmis in rösa!“
Ella guarda intuorn in si’abitaziun, ella ho be co e lo qualchosa rösa, que saro bain auncha permis.
El disch: „Hej e ‚Hello Kitty’ quel giattin chi’d es sü dapertuot, sün risplis, etuis, telefonins, chotschas suot, stinvs, tuottas haun ‚Hello Kitty’, la poppina da 3 mais e la duonna da 30 ans!“
„Mhm.“ Disch ella e sto sü per ir per ün magöl vin. Que nun es uschè simpel dad ir in chadafö sainza ch’el vezza che chi’d es sü sün sias chotschas da pigiama. „Hello Kitty“ esa scrit cun grands custabs rösa e que eir auncha sül chül! Ma che dess’la be fer? A NU DAIVA ÜNGÜNAS OTRAS CHOTSCHAS DA PIGIAMA!

Duonnas - texts per il Chardun

2011-05-21T02:00:00.000-07:00

Duonnas dapertuot

“Ma inua sune?”

“Chi?”

“Ma ils homens!”

“Che homens?”

“Ils homens in generel, magisters, cussgliers federels, students, eau vez be duonnas dapertuot.”

“Öh, uossa exagereschast, que ho bain aunch’intuorn avuonda homens.”

“Ma adüna damain. Eau nu se inua cha svaneschan.”

“Tü managiast, l’emanzipaziun da las duonnas ho elimino els?”

“Redot, redot, pütöst.”

“Ed uossa, che fainsa?”

“Vainsa nus duonnas da fer qualchosa incunter?... Scu adüna, las duonnas faun lura schond. Ils homens spettan be sün que.”

“E che propuonast?

“Forsa quotas?”

“U dapü peja?”

“Dapü peja nu füss mel. Cun grass as clappa las müers.”

“Chi gnian be darcho our da lur fouras!”

Dialog politic

"Cuguoschast a Micheline Calmy-Rey?"

"Hej: Brün, blond, brün."

"Che brün, blond, brün? Ella saro bain cotschna, u na?"

"Eau discuor da la frisura! Nu sest pü, cur ch'ella es gnida eletta i'l cussagl federel ho'la gieu quella frisura cun las franzlas, strivlas da brün e blond... Que d'eira sgrischaivel!"

"Ah, tü managiast ils mèches?"

"Hej, precis, Mècheline! Haha!"

"Ma schmetta da fer schnöss dad üna cussgliera federela. Que nu's fo!"

"Eau poss eir fer schnöss da la 'Bundeskanzlerin', scha tü voust."

"Managiast ad Angela Merkel? Que es in cas la duonna la pü pussaunta sün tuot il muond."

"Hejej, eau se, ün dret "Schwergewicht" è'la, hihi!"

"Que es però eir Eveline Widmer – Schlumpf, schabain ch'ella paisa il pü da tuot 45 kils."

"Quella ho üna nouva frisura, in cas. Que d'he vis in giazetta."

"Di tü! E che ho la dit ill'intervista sper la fotografia?"

"Ho'la dit qualchosa? Eau nu craj. Ma la giasetta scriva cha sia frisura saja 'voll ans 80'."

"Aj, e povra Barla Cahannes nun es gnida eletta. Hest vis che mutsch ch'ella ho fat aint il Telesguard?."

"Svess la cuolpa. Cun quella frisura!"

"Wie sehr muss man?" - SECHS

2011-05-21T01:52:00.002-07:00

"Wie sehr muss man?" - FÜNF

2011-05-21T01:51:00.000-07:00

"Wie sehr muss man?" - VIER

2011-05-21T01:28:00.000-07:00

"Wie sehr muss man?" - DREI

2011-05-21T01:27:00.000-07:00

"Wie sehr muss man?" - ZWEI

2011-05-21T00:54:00.000-07:00

"Wie sehr muss man?" - EINS

2011-05-21T00:25:00.000-07:00

Frasas da Ftan

2011-05-18T09:10:00.000-07:00

1) "Est ün pà pro Nona?"

Id es s-chür, cur ch’eu riv a Ftan. La posta nu’s ferma plü pro la posta, o cha la posta nun es plü pro la fermativa da la posta o cha la posta nun ha plü nom posta. Che sa eu!

Jo pro’l Volg nu’s ha müdà bler, be cha „Hergiswil – Punkte nur noch diesen Monat“ e „Ganzer Februar sonntags offen“. Davant la lateria es ün vehicul chi transporta lat, il lat es dschet, per terra, is’ ha furmà ün strich alv, glatsch, id es inviern, cur ch’eu tuorn a Ftan.

Il Pisoc ha sü üna chapütscha, disch Nona. E quai voul para dir, chi vegna trid. Eu nu sa chenün chi’d es il Pisoc, be il Lischana, uschè circa, dal planin our dal tren. Ma cur ch’eu riv esa s-chür, üna saira tard. Nona ha anniversari. Eu dod a sclingiar seis telefon cur ch’eu sun amo illa giassa. Eu sa cha Nona es in chadafö, perquai chi nun es glüm in stüva. Eu cuor sper il bügl vi aint da porta, aint in stüva pigl jò il telefon, chi fa ün bel cling e disch „Hallo?“.

„Chi es?“ dumonda üna vusch da duonna veglia.

„Eu sun.“

„Ah, tü est", disch'la e "est ün pà pro Nona?“

„Schi, schi" dischi amo tuot ord flà "eu sun ün pà pro Nona.“

2) "Varast pro!"

"Varast pro, nesa?" Am disch Nona cur ch'eu part. "Schi, schi, eu var schond pro", discha. U dschessa.

E Nona vess dit "varast pro" sch'ella vess savü, ch'eu vegn culla maschina, per la prüma jada.

Cun meis barba suna a far laina aint il uaud, eu stir jo ün bös-ch davo tschel, sco ün dret hom fetscha lavur dad homens, eir sch'eu sun üna duonna. No vain barattà las rollas per ün di, "il famagl" Andri güda a cuschinar ed eau vegn oura i'l uaud ed in stalla.

"Ma varà pro cha tü tegnast inandret, schmaladisea!" disch il barba in stalla cun tagliar las assinas. Che voust che sun buna da far da quai, tagliar assinas, tgnair inandret, eu n'ha temma da las maschinas! Temma n'haja eir da la maschina culla chargiada laina. "Cun 14 sarast bain vegli'avuonda dad ir culla maschina!" disch il barba ed am fa sezzer sül sez dal manischunz. Eu n'ha il scuffel e fetsch üna confusiun cul pedal da gas e quel dal frain. "Varà pro!" clomma barba, eu ri be e ri amo adüna da quai isteric cur cha rivain a chasa. Andri fa sü ün gniffun: el ha miss chanella aint la lasagna. Gusta bain, gusta bain schi. "Stost halt verer pro cullas spezchas".

3) Jordan

Mamma ans porta sün staziun ed ans metta aint il tren vers l'Engiadina. Il viadi: Bravuogn - Ftan. Età dals uffants: 9 e 7. Proviant: Uorsins da gomma. Trategnimaint: üna carta geografica cun sü il viadi fatta svessa. Regla: Pro mincha staziun as poja mangiar ün uorsin da gomma.

Chau, bütsch, il tren parta: Preda - Bever - Samedan, müdar il tren, star attent da tour il güst.

Il güst tren parta: Samedan - Bever - La Punt - Madulain - Zuoz - S-chanf - Cinuos-chel - Zernez - Susch - Lavin (salüds a mima Marta) - Ardez - Scuol. Scoul tour il güst auto da posta chi va sü Ftan e chi's riva propi a Ftan quai as vezza cur ch'as vezza la chasa sü a dretta, il Jordan, üna chasa cun sü il Jordan. Il Jordan, quai es ün furbaz cun üna chapütscha cun duos cuas da la vart e las cuas han landervi s-chellinas. Il Jordan am dumonda, perche ha'l nom Jordan, il Till Eulenspiegel? Ma Jordan es Ftan e pro'l Jordan ün pa pünavant fa la posta la storta ed as ferma. Nona spetta pro la posta e dà üna branclada. "Chau gnocla", dischla ed eu nu'm ris-ch da dir "Nona, na schmachar uschè ferm, meis vainter fa mal, dals uorsins da gomma."

4) "Hast durmì claus?"

Visavi da la stüva, da tschella vart dal suler, sco in bleras chasas engiadinaisas, haja üna stanza. Nona tilla nomna stüvetta, stüva - stüvetta, sco stinv e stinvetta, naiv e naivetta. Las stinvettas chi sun gnüdas bletschas sun in stüva sün pigna ed eu sun vi'n stüvetta ch'eu dorm. Las duonnas sun our'in bügl e sfruschan tapets o stinvs da lana o s-charpas da muntogna da lur homens. "Ma, schi schi, cha mim'Edita ha dit da quai e da tschai" dod eu lur vuschs e l'aua dal bügl ed ils utschels e la bescha e barba culla maschina ed il sfruschöz dals braschuns. Eu stun sü e vegn oura - Nona am vain incunter ed am brancla darcheu. "Ma bun di", disch'la "hast durmì claus?" Claus? Schi, schi ähm, Claus...eu sun be ün pain irritada. Claus, Clausi, quai es quel da mia classa chi ha stuvü repetter la prüma e chi bütta jent intuorn s-chabes in stanza da scola. Quai es claus per mai. Na eu nu n'ha durmì claus, Nona. Eu n'ha simplamaing durmì, discha. "A, tagnins", disch Nona, "vè ch'eu fetsch culaziun."

5) Avair s-chiff

Bazegner es mort avant 16 onns. I savura amo adüna da füm.

L’algordanza nun es ün purtret, l’algordanza es üna savur o üna spüzza. Las cigarettas stüzzas our in suler. Stüzzas a mezzas e cun passar in oura darcheu impizzadas. Las cigarettas sün tualetta. Las cigarettas dapertuot, cigarettas interas o be amo reistins uschè gronds sco ils daintulins. Ils daintulins nairs da bazegner, fümads davent - tils ha'l! trat aint il füm fin jo pro'ls peis chi sun schmarschids!

Bazegner muossa ils daints. El lascha glischar oura la daintadüra artificiala e fa sco ün chan o ün monster. Mia cusdrinas han temma, o s-chiff. Eu nu n’ha s-chiff.

Bazegner ha schluppetà ün tschierv. Il bacher ha pendü sü el, vi da las chommas, el es ì cul crötsch tras la pel. Quai nu dà gnaca sang!

Il bacher ha üna fuora aint il culöz e discuorra tras quella foura. Eir il nas fa'l jo tras la foura i'l culöz. Il cour ed ils pulmuns dal tschierv ha’l büttà in üna sadella. Eu vegn aint cul man e toc – i’m para ch’el batta amo, il cour.

"Vessast gnü jent, disch bab. Ma algordanzas ingionan, magari."

WG puspè

2008-05-12T12:26:00.000-07:00

Il biro grond è in pau sco ina gronda WG. La differenza è mo ch’ils differents cunabitants n’han nagin’atgna stanza, ma be in pult. In pult che n’è gnanc persunal. Il biro grond è damai plitost insatge sco ina gronda communa; ina giada prend’ins l’in pult, ina giada l’auter. Il sulet ch’è persunal è il pled clav ed il caddy, quel charret che nus avain e nua che jau hai in puff sgarschaivel. Ma jau na riv simplamain betg da far urden, insatge en mai sa dosta cunter far urden en biro. Per midar giu dovr jau però urden a chasa. Il pli gugent uschè pauc plunder sco pussaivel. Ed enfin avant curt temp hai jau pensà che jau na dovria era nagin’autra glieud a chasa, en mi’abitaziun.
Suenter onns da star en WGs hai jau ditg: «WG mai pli.» U lura pir puspè cun in um ch’è dapli che mo in «Mitbewohner». Mai pli WG, hai jau pensà e dapli che jau hai pensà quai, hai jau stuì dumandar mamezza, pertge uschè radical? A tut quai ch’ins di radicalmain da «na», quai è bain ina sfida. Ina nova sfida, quai fiss insatge e svelt hai jau decidì «gea, jau vi, jau vi puspè star en ina WG.»
Dapi questa decisiun è tut ì magari spert, jau hai tschertgà e chattà ina WG, vul dir in cunabitant ed in’abitaziun e bainbaud fatsch jau midada. «Quai vegn super», di mes futur cunabitant. «Gea, quai vegn super», repet jau e tegn ils poleschs. Tgi sa, sche quai funcziuna? Ina WG al lieu da lavur ed ina WG a chasa?

Fraida stad

2007-11-14T11:17:00.000-08:00

Jau aveva dà in sigl, cur che jau aveva vesì la collascha da fotografias ch’el aveva fatg da mai. Cun il handy e fotografias ch’el aveva prendì giu dal internet. Jau cun in chapè da strom e jau cun stivals nairs cun in tatg fin, e lura ina carta da mai, dad in hotel, sper in lai, en l’Austria.

Jau na vuleva betg giaschair sin ses letg, jau vuleva simplamain ir a chasa e cuschinar verdura. Cuschinar verdura, en paus. Tagliar tschagula, finfin, peperoni, tomatas, risch melnas, e cuschinar tut en il wok, ensalar, il meglier cun buglion.

Nus ans avevan chattads en il tren, mo per cas, insaco, el en sia unifurma e stivals, e la savur da caserna. El era da return, ed jau era da return.
Tut auter sco avant la partenza, mo in pèr sairas endadens, era sche la stad era chauda, trair en in libli sut il t-shirt, suar sco in portg cun ir a la staziun.
El aveva gidà cun la tastga gronda, en in maun, en l’auter mes maun.
In bitsch or da la fanestra dal tren, sa tegnair enfin ch’il tren è partì. E lura la visita ed ils drinks. E durmir en il medem letg, gnanc in dretg letg, mo duas matratschas messas ensemen. El ha adina mo empustà il medem sco jau. Hm, per mai il medem. Taschair.
E lura la festa, e la musica, ed el ha sautà, jau betg, tar quella musica.

Il return, en il tren, unifurma.
En in maun ses schluppet en l’auter sia tastga verda. En mes mauns mias tastgas e nagins drinks pli, nagins pleds, nagina musica, era betg la faussa.

Questa stad ma plascha plaunsieu. I ha naivì suren, tut las colurs èn svanidas e mes velo è bletsch ed abandunà en la giassa. L’aria è frestga enturn mes nas cur che jau vom a spass. Igl è fraid e da trair en la vestgadira d’enviern. Quai è soviso quella che jau hai en il pli gugent. Igl è SALE, tschertgar ina giacca, svutrar en las chaschas, en la vestgadira, en la stoffa, ina giada rauc, las jeans cun decoraziuns u la rauba suten, cun ils pizins, e las cusadiras finas, pauca stoffa per paucs raps, jau cumprel tut quai che jau chat.

Ma segir tut chaussas che jau na dovrel betg, a Tel Aviv. Là èsi segir pli chaud.

Mes egls fan mal cur che jau ves ad el, jau baiv ina apfelschorle, el in’aua minerala, el ha empustà sco emprim. Els èn tut cotschens, mes egls.
Il pollen, di jau ad el, en la via da la posta.
Gea, forsa da fluras che flureschan ussa puspè, suenter ch’ellas era sfluridas l’atun passà.
Adina mo bullshit, noss smalltalk.
Jau guard cun egls unflads si per el. Forsa che jau davent orva. El na reagescha betg. Forsa che jau mor, pervi dal pollen, quai po capitar. Hm.

Igl è stgir davant mes egls, jau na ves nagut pli, ma da l’autra vart èsi uschè clar ch’i tschorva. Uss sun jau conscienta e la conscienza smatga da mes chau tras mes corp, jau less fermar quai, ma igl è sco ch’ins emprova da fermar l’aua dal tgiern cun in maun, ma l’aua è pli ferma e smatga uss, sco l’aua tras la detta, smatga enavos ed ensi tras mes egls, larmas or da mes egls orvs.

El va enturn mai, sco il giat, che ria sur da mai e mia vita deplorabla e perquai che jau vuleva esser dapli ed al chattava memia pauc.
El va enturn mai è na di in singul pled, mo in surrir süffisant sin ses lefs, che di, guarda, nua che jau sun uss e guarda tai. Ma guardar na fa gea nagin senn, ti es gea orva.
Na, jau na sun betg orva, be gist avant hai jau guardà si per tai, sco mai avant.

Baiver ed in emprim bitsch sin la plazza da la posta. E rir, rir rir rir rir rir rir rir rir rir rir rir rir rir ed el ha ris e ditg: jau n’hai mai vesì tai uschè purila cur che jau aveva en las chautschas ed ils moonboots orignial dad anno 80 e la Helly Hansen, il teddybär ed el ha ris. Jau n’hai anc mai vesì tai uschè purila.

En schanuglia davant la maschina da lavar, guardar en la maschina da lavar sco che la stoffa bletscha vegn maschadada en la trommla. Qua vegnan in pèr jeans, ellas sa smatgan vi dal vaider, ina blusa cotschna ed uss era anc in slip, quel che jau na poss betg metter en il tumbler, pens jau, in tischört nair, made in Cambodscha. Tge ha quai uss da far cun tut?
Tel Aviv, ed en il Kibuz. Segir pon ins cleger oranschas era sch’ins na vesa nagut. Palpar las oranschas, il fritg radund, la pel glischa e ferma, il fritg ch’è lom e sche la paletscha è grossa, è il fritg plitost sitg, u ina paletscha fina, ed in fritg fitg cumpact ed era grev, lura è la saftiga, la oranscha. Aber jau na sai betg, sco che las oranschas dad Israel èn precis, jau na cumprel gea mai oranschas dal Israel.

Pervi da quai san’ ins murir, sas. Di jau. El na reagescha betg.
Jau di tschüss, e sche jau na vegn betg venderdi, lura sun jau forsa morta. Aha, mo in surrir lev.
Forsa ch’el n’ha betg chapì la sgnocca u forsa che quai nun era ina sgnocca.
Ve per plaschair, sche jau sun morta, u meglier, gia avant. U pli gugent tuttina betg, jau na less betg ch’igl è sco l’ultima giada. En mia cuschina, l’embratschada, ti has cridà e n’has gnanc vesì mes decolté, extra-grond ed invitant, ed il parfum vi dal culiez. Has mo cridà.

La vusch è pli dad auta che tut il auter. Jau odiesch sia fatscha stupida, ses nas grond, sia blöda frisura, ses esser temelitg, sia indifferenza, ses nun-interess, sia calma. La vusch ruina puspè tut.

Jau ma ser en en il bogn, la aud jau uss meglier, sco che mes vischin suna clavazin e chanta chanzuns tristas.
Jau met tschaduns en il küahlfächli da mia frestgera, per sfradentar mes egls, damaun marvegl. Ma i na da nagin basegn per make-si u make-suras. Jau na ves mamez en il spievel. Ussa suna el ghitarra. Jau aud, sco ch’el auza il corp da lain da la ghitarra e sco ch’el la tutga e suna, e sco ch’el posa puspè giu sin il plaun ella, lain sin lain, il corp fabritgà cun gronda precauziun.

Jau hai siemià dad el, en il siemi, in bitsch ed jau sun crudada sut maisa en. Ed el – il giat, che ria sur da mai, sco che jau cuschin verdura, la saira, e sco che jau cumprel fluras per ma consolar.
Ed adina mo sa siemiar. Dal midsommer a St.Petersburg u da las oranschas da Jaffa. El va a la mitta enturn mai e sgrigna, ma plitost da la biera, cun il pullover enturn la vita ed el discurra uss era sur da preservativs senza daventar cotschen.
El va a la mitta e daventa il giattin, che zoppa ses chau tranter mes sains, sia fatscha chauda, ses nas grond.

Jau tir en il teddybär, la Helly Hansen veglia, jau lav mes letg e tir si el da nov, jau unsch mes egls e jau lasch en la giacca per durmir, per avair pli chaud en questa fraida stad.

September

2007-10-21T10:18:00.000-07:00

im Sonnenuntergang
über den Plattensee
im Tesso-Riesen-Supermarkt verloren gehen
mit einer Zwiebel im Korb
und Kaugummi
Salat mit Essigmücken
und 1.August-Raketen
am Balaton
ich will gar nicht nach Hause

Vier Mal Budapest

2007-08-23T05:13:00.001-07:00

Eins

Hier hat es wieder angefangen. Es hätte vielleicht nicht unbedingt Budapest sein müssen. Und nicht seine Küche.
Die Donau führt gerade viel Wasser. Ich bemerke das erst als ich mit meinem Koffer vor seinem Haus stehe. Er macht auf, umarmt mich. Hallo, wie geht’s? Und ein kurzer Blick, blaue Augen Augenblick reicht.
Ich muss arbeiten gehen, sagt er und schmeisst mich aus seiner Küche. Ich nehme die Metro und steige erst an der Endstation aus, ich kaufe mir ein Eis und mache einen Spaziergang um Budapest kennen zu lernen.
Am Abend sind wir zusammen unterwegs. Hier in einem Restaurant, da in einer Bar, Simpla, unser Wort und auch eine Liebe auf den ersten Blick, eine Liebe, die ich wiedersehen möchte. Ich will zurück nach Budapest.

Zwei

Zurück in Budapest. Als wäre kein einziger Tag vergangen, haben wir getanzt, als käme kein neuer Morgen, haben wir uns gehalten, als er versuchte gewaltsam einzudringen, durch die Ritzen der Rollläden.
Budapest ist die Nacht. Und wir der Tanz. Budapest ist die Kulisse für unseren Film.

Drei

ONE von Jonny Cash im Radio und ich bin zurück in Budapest. Mein Herz schlägt schneller und ich spüre dein Gesicht auf meiner Haut, unsere lange Umarmung, und Would you lay with me in a field of stones mein Herz platzt ich wollte, dass der Moment mein ganzes Leben dauerte oder gleich sterben so.
Draussen, auf der Strasse. Es regnet, du parkst das Auto auf dem Gehsteig, das rote mit dem B., das ich auch hier immer zu sehen glaube, zu sehen hoffe. Müde plaudern wir irgendwas, holen meine Sachen aus deiner Wohnung, wo wir durch deine Küche gehen, wo das Bett steht, auf dem wir geschlafen und gelegen haben.
Den Hund im Restaurant, vor deiner Türe, sehe ich schon beim Hineingehen, beim Rausgehen stolpere ich fast über ihn, ich muss ihn streicheln du gehst voraus, blickst zurück, lächelst. Ich will ihn mitnehmen und mit ihm ins Auto steigen und losfahren, durch Budapest, im Regen.

Vier

Lieber im Bett bleiben, nach einem nächtlichen Essen in einer budapestlichen Küche in budapestlicher Hochsommerhitze, essen um Mitternacht kommt da ideal, auch wenn man jetzt ruhig sein muss wegen den Nachbarn. Und dann raus aufs Schloss. Ein Panorama, das romantisch sein könnte Romantisches Runterblicken auf die Stadt. Dann nach Hause latschen, nach Hause zu ihm. Die Verkrampfung löst sich langsam, die Blockade und dann nach Hause noch plaudern, ein bisschen, in der Küche.

Das blöde Gegurre der Tauben auf deinem Balkon weckt uns beide viel zu früh. Du stehts auf „scheiss Tauben“ und verscheuchst sie mit einem gezielten Handgriff, bewegst du die Storen zack rauf zack runter.
Ich bin die Taube in deinem Bett. Und jetzt hasse ich Johnny Cash.

Budapest am Montagmorgen. Ja, dann tschüss, machs gut. Ja machs gut. Ich verlasse sein Zimmer, seine Küche, der Bus wartet schon vor seinem Haus. Ich steige in den Bus mit meinem Koffer, ohne Herz.
Budapest ich verlasse dich gerne. I love Budapest sagen die Tischörts am Flughafen. Nein, ich nicht. Ich hasse dich denke ich und heule im Flugzeug in meinen Tomatensaft.

Fribourg - alles WG

2007-05-22T05:28:00.000-07:00

Man trifft sich in der neuen WG. Neu, das heisst in der „neu zusammengesetzten“ WG. Der „Neue“ ist schon eingezogen, die „Alte“ noch nicht ausgezogen. Es ist Donnerstagabend, für die meisten ist die Woche schon gelaufen, schlecht gelaufen. „Hattet ihr auch so eine schlimme Woche?“ fragt Daniel. Man muss ihm zustimmen, das „warum“ ist allerdings schwierig zu eruieren, vielleicht war es das Wetter, vielleicht die Sterne aber man ist sich einig, dass «Bologna» die Situation sicher auch nicht verbessert hat.

ECTS gegen Cumulus?

Nun werden in den Vorlesungen Anwesenheitskontrollen gemacht, man sollte also besser präsent sein, wenn man seine Points bekommen will. Und nicht unbedingt schlafen, in der ersten Reihe. So geschehen beim langweiligen Professor, der sich natürlich über Bologna freut, und vielleicht noch nicht ganz durchgeblickt hat, dass nicht alle Studenten freiwillig in seiner Vorlesung sitzen. Freiwillig sitzt man aber dann doch in so mancher anderen, wirklich interessanten Veranstaltung, wo man die Points, die man erwirbt, aber gar nicht brauchen kann. Deshalb sollte man jetzt wirklich und endlich einmal abklären ob man die ECTS in Cumulus umtauschen kann!
Aber solche Probleme werden am Donnerstagabend einfach verdrängt oder sie werden im Laufe des Abends mit verschiedenen Alkoholika runtergespült.

Kein Alkohol wäre vielleicht eine Lösung

Man ist ja auch ein Verein und man trinkt also auch ein bisschen. Und kommt nochmals auf die Reformbestrebungen einzelner Mitglieder (oder besser „Ohne – Glieder“) zurück. „Feministische“ Unterstützung kommt aus der Männerecke während die Frauen am Tisch schweigen, oder mit den Augen rollen.
Dann artet alles aus in eine Diskussion über den Papst und linke bis rechte Politik und das Leben und die Liebe im Allgemeinen und es endet mit vielen leeren Flaschen und einem hustigen Hals von all den Zigaretten, die man unbedingt jetzt noch rauchen musste, bevor das mit den Rauchverboten eine wirklich ernste Sache wird.
Inzwischen ist es Freitagmorgen geworden, man sollte mal nach Hause gehen.
Man klettert durch irgendein steiles Gässchen heimwärts und denkt „Das war ein netter Abend“ und Eines ist klar: man wird sich bald wieder treffen, irgendwo, in einer „neu zusammengesetzten“ WG oder so.

Quatter giadas Budapest

2007-05-15T12:15:00.000-07:00

L’emprima

Qua ha tut puspè cumanzà, igl n’avess betg stuvì esser sia chadafieu e betg Budapest.
Il Danubi maina bler aua, jau realisesch quai pir cur che jau stun cun mia valisch davant sia chasa. El avra la porta, ma dà ina branclada. Tgau, co vai? Ed ina curt’egliada, in batterdegl d’egls blaus blaus tanscha.
Jau stoss ir a lavur, di el e ma bitta or da sia chadafieu. Jau prend la metro e vegn pir ora a la staziun finala, jau cumpr in glatsch e fatsch ina spassegiada per emprender d’enconuscher Budapest.
La saira essan nus ensemen en gir. Qua en in restorant, qua en ina bar, en il “Simpla”, noss pled ed era in’amur sin il emprim’egliada. In’amur che jau vuless vesair puspè. Jau vuless turnar a Budapest.

La secunda

Enavos a Budapest. Sco sch’i na fiss passà gnanc in di, avain nus ballà, sco sch’i na dess nagina damaun, avain nus tegnì in l’auter, cur ch’el ha empruvà da penetrar cun violenza, il sulegl, tras las sfessas da las storas.
Budapest è la notg. E nus il saut. Budapest è la culissa per noss film.

La terza

ONE da Johnny Cash vegn en il radio ed jau sun puspè a Budapest. Jau sent sia fatscha sin mia pel, la lunga charrezzada, e would you lay with me in a field of stones e mes cor schloppa, vuless che il mument durass in’eternitad u murir sin il lieu.

Sin via a Budapest. I plova, ti parcas l’auto sin il trottuar, l’auto cotschen cun il B grond. L’auto che jau ves adina era cur che jau na sun betg a Budapest, che jau speresch da vesair er qua. Baterlain da quai staungel cun prender mias chaussas or da tia abitaziun, nua che nus passain tras tia chadafieu nua che nus avain discurrì e ris e tes letg, nua che nus avain giaschì e durmì.
Il chaun, en il restorant, davant tia chasa, ves jau gia cun entrar, cun vegnir anor, ma stgarpitsch jau bunamain sur el, jau stoss charsinar el, ti vas oravant, guardas enavos, surias. Jau al vuless prender cun mai e partir cun il auto tras Budapest, en la plievgia.

La quarta

Pli gugent anc durmir in pau. Suenter ina tschaina nocturna, en ina chadafieu a Budapest, en la chalur da la stad budapestica. Mangiar a mezzanot è ideal era sch’ins sto esser quiet, pervia dals vaschins. E lura ora e si, ina spassegiada sin il chastè, in panorama che pudess esser romantic. Chaminar a chasa, a chasa tar el, la bloccada sa schlia plaun a plaun, anc baterlar in pau a chasa, en chadafieu.

Il stupid turtular da las columbas sin tes balcun ans sveglia bler memia baul. Ti stas si, «columbas da merda» e las fas fugir cun strar duas giadas resolutamain, zack, zack vi dal guaffen da las storas. Jau sun la columba en tes letg.
Ed uss odiesch jau Johnny Cash.

Budapest glindesdi en damaun. Gea, lura tgau e sta bain. Gea, sta bain, er ti. Jau bandun sia stanza sia chadafieu, il bus spetga gia davant sia chasa. Jau vegn en il bus cun mia valisch, senza cor.
Jau bandun gugent Budapest. „I love you Budapest” fan ils tischörts beffas a l’aeroport. Na, jau betg. Jau t’odiesch, pens jau e l’aviun ma porta davent entant che jau brag en mes jus da tomatas.